Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Qasr namozi – bu musofir bo‘lgan kishilarga berilgan ruxsatdir. Ya’ni to‘rt rakatli farz namozlarni ikki rakat qilib o‘qish (Zuhriy, Asr, Xufton farzlari). Qasr o‘qish uchun asosiy shart – safar holatida bo‘lishdir.

Safarning maqsadi farqlanadimi?

Bu masalada ulama orasida ixtilof mavjud:

• Jumhur (ko‘pchilik) ulamolar: agar safar ma’siyat (gunoh ish) uchun bo‘lsa, masalan, zina, ichkilik, qaroqchilik uchun – unda bu safarda qasr o‘qilmaydi.

• Hanafiy mazhabi: safarni sababi emas, o‘zi e’tiborga olinadi. Ya’ni, ma’siyat uchun safarga chiqqan bo‘lsa ham, u musofir bo‘lsa, qasr o‘qiydi. Chunki qasrning sababi – safar, gunohi – uning o‘zi bilan Alloh o‘rtasida.

Dubayga dam olish uchun borish masalasi:

Bu safar ma’siyat emas, balki muboh (halol) safar sanaladi. Ya’ni na gunoh, na ibodatga maxsus bog‘liq emas. Shunday ekan, agar:

• Dubay safar masofasida bo‘lsa,

• U yerda 15 kundan kam qolmoqchi bo‘lsa,

unday holda qasr o‘qish joiz bo‘ladi, hatto dam olish, sayohat yoki oilaviy maqsadda bo‘lsa ham.

Xulosa:

• Qasrning sababi – safar. Niyatdan qat’i nazar, kim musofir bo‘lsa, u qasr o‘qiydi (Hanafiy qavliga binoan).

• Dam olish uchun safar ham qasrga sabab bo‘ladi, agar u yuqoridagi shartlarga mos bo‘lsa.

• Ma’siyat uchun safar masalasi ixtilofli bo‘lsa-da, Hanafiy mazhabga ko‘ra, unda ham qasr o‘qish joiz.

Vallohu a‘lam.