Bu masala fuqaholar o‘rtasida ixtilofli hisoblanadi. Hanafiy mazhabi fiqhi bo‘yicha qaralganda, bunday holatda savol qilinmaydi. Ya’ni, bilmay qilganingiz uchun gunohkor ham bo‘lmaysiz. Hatto sajdai sahv ham shart emas, namozingiz to‘g‘ri hisoblanadi.
Ammo Hanbaliy mazhabi bo‘yicha rukuda “Subhana robbiyal ‘azim” ni aytish, sajdada esa “Subhana robbiyal a’la” ni aytish vojib hisoblanadi. Shuning uchun ular bu xatolikni jiddiyroq baholaydi.
Umuman olganda, namoz to‘g‘ri bo‘lgan. Siz sajdai sahvni bajargan ekansiz, bu bilan namozingiz sahih bo‘lgan hisoblanadi. Agar bajarmagan taqdiringizda ham, hanafiy mazhabi fiqhiga ko‘ra, namoz sahih bo‘ladi. Chunki bu sunnat amal sanaladi.