Avvalo, imkon qadar odamlar o‘tmaydigan joyda namoz o‘qishga harakat qiling. Agar bunday joy bo‘lmasa va odamlar o‘tishi ehtimoli bo‘lsa, siz qo‘lingizdan kelgancha ehtiyotkorlik bilan amal qilyapsiz — demak, bu kifoya.

Iloji boricha odamlar harakatlanadigan joylarda emas, chetroqda, devor, ustun yoki gilam solingan joylarda, oldingizga sutra qo‘yib namoz o‘qing. Chunki sutra bor joyda odam o‘tib ketmaydi. Agar odam yuradigan joyda turib namoz boshlasangiz, ana shunday muammoga duch kelasiz.

Masalan, Madina masjidlarida, ayniqsa, ichkarida odamlar oldingizdan o‘tmaydi. Lekin Haramda, ayniqsa Tavof maydonida, Maqom Ibrohim yonida namoz o‘qilsa, odamlar ustingizdan ham o‘tib ketaveradi. Bu holatda siz ularni to‘xtata olmaysiz, chunki joyning o‘zi notog‘ri tanlangan bo‘ladi. Shuning uchun, imkon bo‘lsa, chetroqqa o‘tib, odamlar harakat qilmaydigan joyda namoz o‘qish kerak.

Agar barcha choralarni ko‘rgan bo‘lsangiz va baribir kimdir oldingizdan o‘tib ketsa, lekin siz uni to‘xtatishga ojiz bo‘lsangiz — bu holatda siz gunohkor bo‘lmaysiz. Chunki siz qo‘lingizdan kelgancha taqvo qilgansiz. Alloh barchasini ko‘rib turibdi. Vallohu a’lam.