Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Albatta, bo‘ladi. Musulmonchilik asta-sekinlik bilan boshlanadi. Maqol bor: “Musulmonchilik asta-asta, kofirchilik birdan,” deb. Shuning uchun sekinlik bilan, yumshoqlik bilan tushuntiring. Agar u farz namozlarni o‘qishga rozi bo‘layotgan bo‘lsa, aynan shundan boshlasangiz yaxshi bo‘ladi.

Agar ishining tig‘izligi sabab sunnatlarni bajara olmasa ham, hech bo‘lmasa farzlarini qisqacha qilib, tartib bilan ado etsin — bu katta qadam bo‘ladi. So‘ng, Alloh xohlasa, qalbi ochilib, keyinchalik sunnatlarga ham o‘tadi.

Yaxshi muomala, iloji boricha undovchi, rag‘batlantiruvchi yo‘l bilan nasihat qilishingiz lozim. Alloh taolo unga ham, sizga ham hidoyat va baraka bersin.
Vallohu a‘lam.