Bismillah,

Alloh ta’ologa hamdlar, undan keyin payg’ambar bo’lmaydigan payg’ambarga, uning oilasi, sahobalari va to qiyomatgacha ularga yaxshilikda ergashganlarga salavot va salomlar bo’lsin.

Bu ham ixtilofli masalalardan. Aksar ulamolarning so‘ziga binoan janoza namozida sano aytilmaydi, takbirdan keyin Fotiha o‘qiladi.

Hanafiy mazhabi ulamolari esa takbirdan keyin Fotiha emas, balki sano o‘qiladi, deyishadi.

Jumhur ulamolar o‘z so‘zlarini quyidagicha izohlashadi: Rasululloh sollallohu alayhi va sallamning janoza namozida sano aytganlari vorid bo‘lmagan. Ikkinchidan, janoza namozi yengillikka qurilgan namoz bo‘lgani uchun sanosiz yengil o‘qiladi. Lekin “Fotihasiz namoz namoz emas” degan hadislarga muvofiq, janoza namozida ham Fotiha o‘qiladi.

Bu masala ixtilofli bo‘lgani uchun kimning nazarida qaysi so‘z kuchliroq bo‘lsa, o‘shanga amal qiladi. Nizo va ixtilof chiqarishga aslo hojat yo‘q.

Vallohu A’lam