Bismillah, alhamdulillah, vas-salātu vas-salāmu ‘alā Rasulillāh, ammā ba’d.

Bu borada Rasululloh sallallohu alayhi vasallam aniq javob berganlar: “Aqra’uhum li Kitābillāh”, ya’ni “Ularning ichida kim Qur’onni ko‘proq o‘qigan bo‘lsa”. Bu hadisni ulamolar “ilmi ko‘proq bo‘lgan” deb tafsir qilishgan. Chunki sahobalar davrida Qur’onni ko‘proq bilgan odam ilmliroq hisoblangan.

Endi, agar faqat tajvidi yaxshi bo‘lgan qori bo‘lsa-yu, boshqa tomonda esa tajvidi yaxshi bo‘lgan olim kishi bo‘lsa, u holda olim kishining imomlikka haqliligi yuqoriroq bo‘ladi. Chunki ulamolar aytishicha, sunnatni ko‘proq bilgan odam afzal hisoblanadi. Sababi, sunnatni yaxshi bilgan odam Qur’onni ham to‘g‘ri o‘qiydi.

Shuning uchun jamoat ichida kim ilmliroq bo‘lsa, o‘sha kishi imomlikka haqli bo‘ladi — musofir bo‘ladimi, mahalliy bo‘ladimi, farqi yo‘q. Allohu a’lam.