Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Bu ehtimoliy tibbiyot yoki ba’zi shaxslarning mulohazasi bo‘lishi mumkin. Ammo shariat nuqtayi nazaridan, qiz bola balog‘atga yetib, hayz ko‘rishni boshlaganidan boshlab, qancha kun kelsa — uch kunmi, to‘rt kunmi — qon to‘xtaguncha bu holat hayz deb hisoblanadi.

Hayz qonining tugashi ikkita alomat bilan aniqlanadi:

1. Oqlik kelishi (quṣrah bayḍāʼ)

2. Qon to‘xtab, quruqlik paydo bo‘lishi

Yangi balog‘atga yetgan qiz bu belgilarni hali aniq ajrata olmasligi mumkin. Masalan, agar qoni uch kundan keyin to‘xtasa va oqlik kelmasa ham, quruqlikni ko‘rsa, u hayz tugadi deb hisoblanadi. G‘usl qilib, namoz o‘qishni boshlashi mumkin. Agar keyin yana qon kelsa — demak, hayz hali tugamagan bo‘lgan, ibodatni to‘xtatadi.

Agar birinchi oyda 4 kun davom etib, to‘xtasa — bu hayz bo‘ladi. Keyingi oylarda ham shu miqdorda davom etsa, demak bu odatga aylangan bo‘ladi. Uchinchi yoki undan keyingi hayzlar oqlik bilan tugasa, bu tozalikka hujjat sifatida kuchliroq hisoblanadi.

Ammo shariatga ko‘ra, birinchi uch hayzda faqat birinchi kuni hayz bo‘ladi deyish to‘g‘ri emas. Uch yoki to‘rt kun bo‘lsa ham, qan to‘xtaguncha hayz hisoblanadi.

Vallāhu a‘lam.