Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Bu gap noto‘g‘ri, bu — bid’at hisoblanadi. Chunki Rasululloh ﷺ bunday qilmaganlar va bunday qilishni ham buyurmaganlar. Rasululloh ﷺ aytmagan narsani amal sifatida kiritish shariatda qat’iyan man qilingan.

Bizga yetgan sahih manbalarda ham sahobalar bunday yo‘l tutgani haqida hech qanday dalil yo‘q. Har bir amal niyatga bog‘liq: kim sunnat o‘qisa, sunnat niyatida o‘qisin; farz o‘qisa, farz niyatida; istixora o‘qisa, istixora niyatida o‘qisin. Bir amalni bir necha niyatga bog‘lab, ularning barchasi ado bo‘ladi, deyish esa bid’atga yo‘l ochadi.

Shariatga qo‘shimcha kiritish – xuddi go‘yo: “Sizlar bilmagan narsani men bilaman,” degan iddao bo‘ladi. Bu esa nihoyatda xavfli.

Xulosa: Har bir amal o‘z niyatiga bog‘liq. Niyatlar chalkashmasligi kerak. Rasululloh ﷺ va sahobalarning yo‘lidan chetga chiqmaslik eng to‘g‘ri yo‘ldir.

Vallohu a‘lam.