Bismillah,

Alloh ta`ologa hamdu sanolar, undan keyin payg`ambar bo`lmaydigan payg`ambarga, uning oilasi, sahobalari va to qiyomat ularga yaxshilikda ergashganlarga salavot va salomlar bo`lsin.

Yo‘q, bu to‘g‘ri emas. Ehrom albatta yangi bo‘lishi kerak, degan talab yo‘q. Ya’ni, ehrom najosatdan pok bo‘lsa, tikilmagan bo‘lsa va unga atir yoki boshqa hidli narsalar surtilmagan bo‘lsa, bo‘laveradi.

Ziynatli kiyim bo‘lmasa bas – oddiy, sodda bo‘lsa kifoya. Sahobalarda ham har doim yangi ehrom bo‘lgan deb hech kim aytolmaydi. Ularning hammasi umraga faqat yangi ehrom kiyib borgan deb aytilmagan.

Bu gap, ya’ni ehrom albatta yangi bo‘lishi kerak degan fikr, odamlarning o‘zlaricha chiqarib olgan mulohazasi bo‘lishi mumkin. Najosatdan pok, toza bo’lishi lozimligini, “yangi” deb talqin qilgan bo’lishlari mumkin. Asosli diniy manbalarda esa bunday shart qo‘yilmagan.