Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Agar birinchi ustozingiz sizga kerakli ilmni bera olmas ekan, unda o‘zingizga foydali bo‘lgan joyga borishingiz joiz. Rasululloh ﷺ:
“O‘zingga foyda keltiradigan narsaga intil, Allohdan yordam so‘ra va ojiz bo‘lma” – deganlar (Muslim rivoyati).

Shuning uchun, kimda foyda bo‘lsa, o‘sha joyga borib ilm oling. Bu yerda ustozni xafa qilish niyatida emassiz, balki vaqtingizni behuda sarflamasdan, umrni ilm bilan to‘ldirishni xohlaysiz.

Afsuski, ba’zida ustozlar shogird ketayotganidan ranjiydi. Lekin bu holat sog‘lom ilm muhitiga to‘g‘ri kelmaydi. Chunki ilm shaxsga emas, Alloh rizoligiga bog‘liq bo‘lishi kerak. Siz odob bilan, iltifot bilan ustozingizga bu qaroringizni tushuntiring.

Agar u kishi sizni chin dildan yaxshikorsa, bu qarorni tushunadi. Agar tushunmasa ham, siz haqqoniy ilm talabida bo‘layotganingiz uchun aybdor emassiz.

Umringizdan, yoshingizdan to‘g‘ri foydalaning. Foyda qayerda bo‘lsa — ilmni o‘sha yerda oling.

Vallāhu a‘lam.