Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Ha, oldindan ism tanlab qo‘yish mumkin. Bu yaxshi niyat bilan qilinsa, unda hech qanday zarar yo‘q. Qur’onda ham bu borada misollar bor. Masalan, Yahyo (alayhis-salom) tug‘ilishidan oldin ismi berilgan. Shuningdek, farishtalar Ibrohim (alayhis-salom)ga “Ishoqdan keyin Ya’qub” tug‘iladi deb bashorat berishgan. Demak, bu shariatda qaytarilmagan amallardan hisoblanmaydi.

Endi “Safiy” ismiga kelsak — bu erkak ismi bo‘lib, “pok”, “musaffo”, “tanlangan” degan ma’noni bildiradi. Lug‘aviy jihatdan ma’nosi yaxshi, lekin bizning urfimizda unchalik tanish bo‘lmagan ism. Agar urfga qaralsa va odamlar orasida qanday qabul qilinishiga ham e’tibor berilsa yaxshi bo‘ladi.

Shuningdek, Alloh taoloning go‘zal ismlaridan tarkib topgan ismlar ham juda barakali bo‘ladi: masalan, Abdulloh, Abdurahmon, Abdulhalim, Abdurashid, Abdus-Samad kabi.

Vallohu a‘lam.