Balog‘atga yetgan o‘g‘illarim uchun qaysi yo‘l afzal: ishlashmi yoki ilm olishmi?

Nashr sanasi: May 2, 2025

Ko'rilgan: 27

Savol :

Ustoz, mening besh nafar o‘g‘lim bor. Kattasi 22 yoshda, undan keyingisi 19 yoshda. Hozir musofirlikdaman. Erim farzandlariga: “Ishlab, uylanish uchun pul yig‘inglar,” deydi. Ular ishlashdi, lekin yig‘ilgan pulni erim ishlatib yubordi. Keyinchalik o‘g‘illarim: “Endi ishlamaymiz, ilm o‘qiymiz,” deb o‘qishga ketishdi. Men ularga: “Ishlanglar, adangizga yordam beringlar,” desam, ular: “Yo‘q, biz ilm o‘qiymiz,” deyishmoqda. Ustoz, bu holatda qanday yo‘l tutaylik, nima maslahat berasiz?

Javob :

O’xshash savol-javoblar

Agar bolalaringiz ilmga chin dildan qiziqib, uni ustuvor qo‘yishayotgan bo‘lsa, ularni qo‘llab-quvvatlang. Bu yo‘lning oxiri hayrli bo‘ladi, in shaa Alloh.

Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Agar farzandlaringiz o‘zlari ichidan chiqib, chin dildan “ilm o‘qiymiz” deyishayotgan bo‘lsa, bunday niyatni qo‘llab-quvvatlang. Ilm talab qilish — bu eng ulug‘ sa’y-harakatlardan biridir. Uylanish qochmaydi. Bir-ikki yil kechiksa, ammo bu orada dinini o‘rganib, mustahkam aqida, to‘g‘ri ma’rifat egasi bo‘lsa — bu siz, bolalaringiz va jamiyat uchun eng katta foydadir.

Sabr qiling, boriga qanoat qiling. Siz aytayotganingizdek, ishlagan pullar ham baribir ketib qolayotgan bo‘lsa, demak eng to‘g‘ri sarmoya — bu ilm sarmoyasidir. Yaxshi niyatda, halol yashab, Allohga tavakkal qilib yashasangiz, Alloh taolo rizqning eshiklarini o‘zi ochadi. Qolaversa, ilm bilan baraka keladi.

Shuning uchun maslahatim: agar bolalaringiz ilmga chin dildan qiziqib, uni ustuvor qo‘yishayotgan bo‘lsa, ularni qo‘llab-quvvatlang. Bu yo‘lning oxiri hayrli bo‘ladi, in shaa Alloh.

Vallohu a‘lam.

Javob muallifi:

Shayx Sodiq Samarqandiy

Maqola foydali bo’ldimi?

Yo’nalishlar

Bizga bog’laning