Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Ikkalasi aslida bir ma’noni bildiradi. Alloh buyurgani uchun qilish — bu chin dildan qilish degani. Bu yerda ikkita gap bir-biriga yaqin va aslida bitta narsani anglatadi.

Ammo amal qabul bo‘lishi uchun ikkita asosiy shart bor.

Birinchisi — ixlos, ya’ni amalni faqat Alloh uchun qilish. Siz aytganingizdek, “Alloh buyurgani uchun qilaman” degan niyat — bu ixlosdir.

Ikkinchisi — amalni Alloh buyurganidek qilish, ya’ni Rasululloh ﷺ sunnatlariga muvofiq bajarish.

Ya’ni farq shunda:
Alloh buyurgan deb qilish — bu ixlos
Alloh buyurganday qilish — bu sunnatga ergashish

Masalan, peshin namozi to‘rt rakat. Biz uni faqat Alloh uchun o‘qiymiz — bu ixlos.
Lekin uni qanday o‘qiymiz? Tahorat bilan, qiblaga qarab, fotiha o‘qib, ruku va sajdalar bilan — bu sunnatga muvofiq bajarishdir.

Agar inson “faqat niyatim to‘g‘ri” deb, o‘zicha ibodat qilsa, bu yetarli emas. Amal to‘g‘ri bo‘lishi uchun u sunnatga ham muvofiq bo‘lishi kerak.

Xulosa qilib aytganda, har qanday amal qabul bo‘lishi uchun:
birinchisi — ixlos (Alloh uchun qilish)
ikkinchisi — sunnatga muvofiq bajarish

Shu ikki shart topilsa, amal qabul bo‘ladi.

Vallohu a’lam.