Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Bu ismni qo‘yish yaxshi ko‘rilmaydi. “Muhammad Rasul” deb ism qo‘yish makruh hisoblanadi.

Ba’zi odamlar: “Rasulullohdan keyin boshqa rasul yo‘qligini hamma biladi”, deyishadi. Lekin baribir “Rasul” so‘zi eshitilganda odamning xayoliga birinchi bo‘lib “Muhammadun Rasululloh”, ya’ni Muhammad ﷺ — Allohning rasuli degan aqida keladi.

“Rasul” so‘zi lug‘aviy jihatdan “elchi” degan ma’noni bersa ham, islomiy istilohda u Alloh tomonidan vahiy bilan yuborilgan payg‘ambarni anglatadi. Shu sababli oddiy insonga “Rasul” yoki “Nabiy” ma’nosini bildiradigan ism qo‘yish to‘g‘ri emas, chunki u kishiga tegishli bo‘lmagan martabani bildiradi.

Shuning uchun “Muhammad Rasul” yoki “Muhammad Nabiy” kabi ismlar makruh ismlar hisoblanadi va bunday ism qo‘yishdan saqlangan ma’qul.

Allohu a‘lam.