Bu holat odamning ehtiyojiga qarab bo‘ladi. Agar ehtiyoji katta bo‘lsa, u bitta odamdan ham, ikkita odamdan ham zakot olsa bo‘ladi. Chunki ehtiyoj hali to‘liq qoplanmagan bo‘lishi mumkin. Agar u inson zakot olishga loyiq bo‘lsa, unda bir nechta odamdan zakot olishi joiz bo‘ladi.

Lekin bu holat tilanchilik yoki tamagirlik darajasiga tushib qolmasligi kerak. Ya’ni har tomondan pul yig‘ib yurishi, aslida unga kerak bo‘lmasa yoki haddan tashqari ko‘p yig‘sa — bu to‘g‘ri emas.

Zakot — bu beva-bechoralar, miskinlar, faqirlar va Alloh yo‘lida ishlatilishi kerak bo‘lgan joylar uchun mo‘ljallangan haqlardir.

Shuning uchun holatga qarab baho berish kerak: bitta odam zakot olsa bo‘ladimi yoki ko‘pchilikdan olsa bo‘ladimi — bu savolga “faqat bittadan oladi” yoki “ko‘pdan ololmaydi” deb qat’iy javob berilmaydi.

Masalan, bir odam operatsiya qilinishi kerak bo‘lgan kasal bo‘lsa, va u uchun 10 ming so‘m kerak bo‘lsa, men unga 1000 so‘m zakot bera olaman. Qolganini esa boshqa odamlardan yig‘iladi. Kimdir 2000 beradi, boshqasi 3000 — shunday qilib jami 10 ming yig‘iladi va ehtiyoj qoplanadi.

Ya’ni bir qancha odam zakotini yig‘ib, bitta odamning ehtiyojini yopishi mumkin. Shuningdek, bitta odam ham 10 ta yoki 100 ta muhtojga zakot bera oladi. Muhimi — ehtiyoj va haqlik holatiga qarab harakat qilinadi.

Vallohu a’lam.