Agar “foydalanib turishga” deganingiz, ya’ni uni aylanma (tijorat) moli sifatida ishlatish bo’lsa, unda u boshqa tijorat mollariga qo‘shiladi. Masalan, zakot berayotgan paytingizda bularni ham bozor narxida baholab, o‘sha vaqtda zakotini chiqarasiz, ya’ni bir yilda bir marta zakot berasiz.

Necha marta g‘unajin aylantirsangiz ham — g‘unajin sotib mashina olsangiz, mashina sotib boshqa narsa olsangiz ham — oxirida zakot berish vaqtingiz kelganida, yilda bir marta belgilangan kuningizda zakot berasiz. Ko‘pincha odamlar Ramazon oyida zakot berishadi yoki boshqa bir vaqtni belgilashadi. O‘sha vaqtda nimangiz bo‘lsa, ularning qiymatini hisoblab, qiymatining 40-dan bir qismini zakot qilib chiqarasiz.

Vallohu a‘lam.