Bismillah, Alhamdulillah, wassalatu wassalamu ‘ala Rasulillah, amma ba’d.

Agar siz o’sha nazirni aniq bir vaqtga bog’lab qilmagan bo’lsangiz, ya’ni “Qur’onni homiladorligim davrida 15 marta xatm qilaman” deb aytmagan bo’lsangiz, faqatgina “15 marta xatm qilaman” deb nazir qilgan bo‘lsangiz, unda imkoningiz yetganicha davom ettiravering.
Alloh taolo Qur’onda shunday degan: “Fattaqullaha mastata’tum” – ya’ni, Allohdan qo’rqinglar – qo’lingizdan kelganicha.

Siz hali ham o’sha yo’ldasiz, Insha Alloh. Hozir yarmidan ko‘prog‘i qilingan – bu ham katta yutuq. Qolgani ham, insha Alloh, uzoq emas.

Qur’on o’qish – bu oson ish, har qancha vaqt ajratsangiz ham foydali. Masalan, kuniga bir pora o‘qisangiz, oyiga bir xatm chiqadi. Qarabsizki, o‘zingiz niyat qilgan songa yetasiz, insha Alloh.

Asosiysi – harakatda bo‘lish. Alloh taolo niyat va sa’y-harakatni ko‘radi va ajrini beradi. Sizda chaqaloq borligi, sog‘lig‘ingizdagi holat – bularning barchasi e’tiborga olinadi.

Alloh taolo o‘zi yordamchi bo‘lsin. Vallohu a’lam.