Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Yo‘q, bunday holatda 60 kun ro‘za tutish vojib bo‘lmaydi.

60 kun ro‘za — bu kafforat bo‘lib, u Ramazon kunida xotini bilan yaqinlik qilgan odamga nisbatan aniq dalil bilan kelgan. Ya’ni kafforatning sababi — jinsiy aloqa.

Agar kimdir ataylab ovqat yesa yoki suv ichsa, bu holatni jinsiy aloqaga qiyoslab kafforat vojib bo‘ladimi, degan masalada fuqaholar o‘rtasida ixtilof bor:

• Hanafiy ulamolari: Ramazonning hurmatini ochiqdan-ochiq buzganligi sababli, atay ovqat yesa yoki ichsa ham kafforat vojib bo‘ladi, deydilar.

• Shofi‘iy ulamolari: Yo‘q, deydilar. Chunki kafforat faqat jinsiy aloqaga dalil bilan bog‘langan. Ovqat-ichimlikni bunga qiyos qilish noto‘g‘ri, deydilar.

Endi o‘zini shahvat bilan ro‘zani buzish  masalasiga kelsak, bu jinsiy aloqadan yengilroq (noqisroq) holat hisoblanadi. Shariatda jinsiy aloqa bilan o‘z-o‘zini shahvatga keltirish hukmi bir xil emas:

• Jinsiy aloqa — alohida va og‘ir jinoyat bo‘lib, hatto nikohsiz bo‘lsa zina hukmiga kiradi.

• O‘zini shahvatga keltirish esa gunoh bo‘lsa-da, zina hukmini olmaydi.

Xulosa:

• Bunday odam gunohkor bo‘ladi.

• Tavba qilishi shart.

• Bir kuniga bir kun ro‘za qazo qiladi.

• Ammo 60 kun kafforat ro‘zasi vojib, deb qat’iy aytolmaymiz. Chunki bunga aniq dalil yo‘q.

• Kafforatga dalil faqat Ramazonda xotini bilan yaqinlik qilgan odam haqida kelgan.

Vallohu a‘lam.