Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Bu borada kelgan hadislar haqida ulamolar shunday deydilar: ota-onaning yuziga tikilib turish ibodat bo‘ladi degan hadis juda zaif yoki mavzū’ (to‘qima) hisoblanadi. Ayniqsa, “uch narsaga tikilib turish ibodat bo‘ladi: Ka’ba, Qur’on (Mushaf) va ota-onaning yuziga” degan hadis rivoyat qilingan, ammo ulamolarning ta’kidlashicha, bu hadis ishonchli emas.

Ka’ba va Qur’on haqida esa boshqa zaif bo‘lsa-da, bir-birini quvvatlovchi hadislar mavjud. Mushafga (ya’ni Qur’on matniga) qarab turib o‘qish – bu albatta ibodat hisoblanadi, bunda ixtilof yo‘q. Ka’baga qarash ham shunga o‘xshash.

Lekin ota-onaga qarash haqida aniq va ishonchli hadis yo‘q. Shuning uchun, bu borada to‘qima hadislarni dalil sifatida keltirishga ehtiyoj yo‘q. Allohning Qur’onda marhamati bilan bizga shunday buyruq yetgan:

۞ وَقَضَىٰ رَبُّكَ أَلَّا تَعْبُدُوٓا۟ إِلَّآ إِيَّاهُ وَبِٱلْوَٰلِدَيْنِ إِحْسَـٰنًا ۚ إِمَّا يَبْلُغَنَّ عِندَكَ ٱلْكِبَرَ أَحَدُهُمَآ أَوْ كِلَاهُمَا فَلَا تَقُل لَّهُمَآ أُفٍّۢ وَلَا تَنْهَرْهُمَا وَقُل لَّهُمَا قَوْلًۭا كَرِيمًۭا ٢٣

Robbing faqat Uning O`zigagina ibodat qilishingni va ota-onaga yaxshilik qilishni amr etdi. Agar huzuringda ularning birlari yoki ikkovlari ham keksalikka yetsalar, bas, ularga «uff» dema, ularga ozor berma va ularga yaxshi so`z ayt!

Ota-onaga yaxshilik qilish, ularni rozi qilish va xizmatda bo‘lish – bu Allohga ibodat qilishning bir shaklidir. Shu amallar o‘zi yetarli, alhamdulillah.