Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Ammasining o‘g‘li u yerda nima vazifada o‘tirgani qiziq narsa. Lekin uning bor-yo‘qligi nikohga ta’sir qilmaydi. Agar domla kelinni ko‘rmagan bo‘lsa ham, kelin xonada turib domlaning hamma gaplarini eshitgan va roziligini bildirgan bo‘lsa, nikoh durust hisoblanadi. Chunki asosiy shart – kelinning roziligi va uning so‘zi eshitilishi.

Ko‘p hollarda urf-odat sababli, qizning otasi yoki aka-ukalari to‘g‘ridan-to‘g‘ri kirmasliklari mumkin. Shu bois, ammani o‘g‘li kabi biror kishi formal tarzda o‘tirishi mumkin. Bu nikohning shartlariga ta’sir qilmaydi.

Hanafiy mazhab ko‘rsatmasiga ko‘ra, ayolning o‘zi “roziman” deb aytsa va erkak ham roziligini bildirsa, guvohlar hozir bo‘lsa – nikoh sahih bo‘ladi. Shuning uchun bu holatda nikohingiz durust, qayta o‘qish shart emas.

Vallohu a’lam.