Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Bu — bo‘ladi, chamalab sotilsa, chunki pulga sotilayapti. Mevani mevaga chamalab almashtirish bo‘lmaydi, lekin pulga kelishib sotish joiz. Masalan, bog‘dorchilikda “subra” deyiladigan — ya’ni hosil hali terilmagan holatida — mevalarni shu ko‘rinishda kelishilgan summaga sotish mumkin, deyilgan fiqh kitoblarida.

Bu holatda hamma hosilni “mana shuncha pulga” deb kelishish mumkin, chunki xaridor ham, sotuvchi ham chamalangan miqdorga rozi bo‘ladi. Ha, bunda g‘arar (noaniqlik) bo‘lishi ehtimoli bor, lekin taraflar kelishganidan keyin bu joiz bo‘ladi. Agar aytilgan miqdordan ko‘p chiqsa yoki kamroq chiqsa — bu allaqachon rozi bo‘lib olingan savdo hisoblanadi.

Xuddi shunday, siz uy sotib olayotganda ham ichidagi betonning mustahkamligi yoki temirlarning miqdorini aniq bilmaymiz, lekin baribir kelishilgan narxda olamiz. Demak, bilib bo‘lmaydigan joylarda, agar ikki tomon ham kelishib olsa, shariat bunga ruxsat beradi.

Bunga o‘xshash misol — molni yoki mahsulotni “kutara”siga (butun o‘rami, butun miqdori) sotib olish. Masalan, bir yuk ko‘mir yoki bir yuk kartoshka sotib olasiz. U aniq kilogramm yoki gramm bo‘yicha o‘lchanmaydi, lekin kelishilgan summaga olinadi. Bizning yurtlarda ham shunday tarzda ko‘p savdolar bo‘ladi.

Xuddi shu kabi uy-joy, qoramol, yoki dehqonchilik mahsulotlari ham chamalab, kelishilgan narxda sotilishi mumkin.

Vallohu a‘lam.