Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

1. Mahr masalasi

Eringiz sizga mahrni to‘liq berishi shart. Bu uning ixtiyoriga bog‘liq emas. “Men hozir to‘y qilay, keyin asta-sekin beraman” deb cho‘zishi zulm hisoblanadi. Rasululloh ﷺ aytdilar:

«Imkoniyati bo‘la turib qarzni qaytarmay cho‘zishi – zolimlikdir».
(Buxoriy, Muslim)

Mahr – ayolning haqqi. Uni berishni cho‘zish yoki boshqa narsaga sarflash joiz emas. Avval mahrini to‘lasin, keyin boshqa niyatlarini amalga oshirsin.

2. Erning boshqa nikoh qilishi

Shariatda erkak boshqa ayolga uylanishi mumkin, lekin ayolning haqqini yemagan holda. Agar mahrni bermay, sizni zulm ostida qoldirsa, bu ish joiz emas. O‘zining istagini Allohning buyruqlaridan ustun qo‘yib, haqqingizni ushlab turishi – katta gunoh.

3. Idda masalasi

Aslida idda ayolning erining uyida o‘tkazilishi kerak. Lekin agar er o‘z vazifasini bajarmay, sizni joy bilan ta’minlay olmasa, sizning ota-onangizning uyida idda o‘tirishingiz shar’an joiz bo‘ladi. Chunki bu holda boshqa chorangiz qolmagan.

Xulosa va Nasihat

• Mahrni kechiktirish mumkin emas, bu ayolning haqqi.

• Erning boshqa nikoh qilishidan oldin sizning haqqingizni ado etishi vojib.

• Agar er joy bermasa, iddani ota-onangizning uyida o‘tkazishingiz mumkin.

Vallāhu a‘lam.