Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Kishanlangan holatda jannatga kiradiganlar haqida hadis bor. Bu “kishanlangan holatda” degani — Islomga qarshi kurashishga chiqqan kishi musulmonlarga asir tushadi. So‘ng asirlikda musulmonlardan tarbiya olib, Islomni qabul qiladi, amallarni ado etadi va hatto kerak bo‘lsa shahid bo‘lib vafot etadi hamda jannatga kiradi.

Ya’ni, agar musulmonlar uni kishanlab olib kelmaganida, u bunday tarbiya olmay, Islomni tanimagan bo‘lardi va jannatga kirmasdi. Shunday odamni Alloh taolo majburan shunday holatga soladi — kishanlangan holda keltiriladi va oxir-oqibat jannat yo‘liga kiradi.

Vallohu a‘lam.