Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Bu — iymon zaifligidan. Alloh taolo Qur’on Karimda marhamat qiladi:
“Innamal mu’minuuna ikhwatun” — “Albatta, mo`minlar birodardirlar” (Hujurot: 10). Ya’ni, kim mo‘min bo‘lsa, u mo‘min bilan birodar bo‘ladi. Demak, agar inson birodarini ziyorat qilmasa, unga e’tibor qilmasa, demak, iymonida muammo bor.

Bugungi kunda bu muammo keng tarqalgan: kasalni ziyorat qilish tugul, bir-birining orqasidan g‘iybat qilish odat tusiga kirib qolgan. Oldida yaxshi gapirib, orqasidan yomon gapirish — bu g‘iybatdir. Bu holat — haloldek ko‘rilayotgan katta gunohdir.

Haqini yeb ketish, odobni unutish, hurmatsizlik, ota-onaga itoatsizlik — bularning hammasi iymon zaiflashganining natijasidir. Yagona yechim — iymonni mustahkamlash. Bu esa ilm va ma’rifat bilan bo‘ladi. Ayniqsa, Allohni tanish, Uning sifatlarini bilish, Uning bandalariga nisbatan mas’uliyatimizni tushunish — iymonni jonlantiradi.

O‘sha paytda inson o‘z birodarini, yaqinlarini, umuman mo‘minlarni chin qalbdan yaxshi ko‘ra boshlaydi. Va ana shunda u o‘zi ham bemorlarni ziyorat qiladi, hol so‘raydi, g‘iybatdan tiyiladi, va haq-huquqlarga e’tiborli bo‘ladi.

Vallohu A‘lam.