Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Avvalo, ilm talab qilish – bu ulug‘ amal. Sizning darsga bo‘lgan rag‘batingiz, chiqib ketmaslik va o‘qishni davom ettirish istagingiz juda tahsinga loyiq. Ammo ilm olishda ham halollik va ixlos shart. Imtihonda “kitobga qaramanglar” degan bo‘lsa, kitobdan qarab topshirish — yolg‘on va xiyonat bo‘ladi.

Rasululloh ﷺ aytganlar:

“Kim bizni aldasa, u bizdan emas.”
(Buxoriy va Muslim)

Shu sababli, darslarni yodlay olmasangiz ham, ustozalaringizga ochiq-oydin ayting:

“Men imkonim darajasida o‘qiyapman, lekin oilaviy mas’uliyatlarim tufayli to‘liq yodlay olmayapman. Iltimos, menga yengillik bering yoki boshqa yo‘l ko‘rsating.”

Shunday qilib siz:

• Ilm yo‘lidan chekinmagansiz.

• Halollikni saqlagansiz.

• Ustozga hurmat va sadoqat ko‘rsatgansiz.

Shariatda maqsadga har qanday yo‘l bilan emas, halol va to‘g‘ri yo‘l bilan erishish muhim. Ilmning barakasi ham halollikdadir. Agar siz yolg‘on bilan imtihonni topshirsangiz, bu siz o‘rganayotgan ilmingizga zid bo‘ladi.

Xulosa:

– Darsni davom ettiring, chiqib ketmang.
– Yodlay olmasangiz, ustozingizga ochiq ayting.
– Kitobdan qarab topshirish — ruxsat berilmagan bo‘lsa — harom bo‘ladi.
– Ilmda baraka — halollik, ixlos va sabr bilan bo‘ladi.

Vallohu a‘lam.