Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Albatta, ammangizlarga ham ulush berishingiz kerak, chunki bu vasiyat merosxo’rga qilingan bo‘lib, bu esa shariatda o‘tmaydi. Rasululloh ﷺ: “La wasiyyata li-wāriṡ” – “Vorisga vasiyat yo‘q,” deganlar.

Sizning otangiz va amakingiz buvangizning merosxo‘rlari bo‘lgan. Shuningdek, buvangizdan qolgan ikki qiz — ya’ni ammangizlar ham merosxo‘r hisoblanadi. Shuning uchun hovlining barchasi meros tartibida bo‘linadi, vasiyatga qarab emas.

Agar buvangizdan ikki o‘g‘il (otangiz va amakiyiz) va ikki qiz (ikkala ammangiz) qolgan bo‘lsa, meros shariatda belgilangan tarzda bo‘linadi: har bir erkakka ayolga nisbatan ikki baravar ulush beriladi. Ya’ni meros 6 ulushga bo‘linadi — ikkita ammangiz har biri 1 ulushdan oladi, otangiz va amakiyiz esa 2 ulushdan.

Xulosa: Vasiyat bekor bo‘ladi, meros shar’iy tarzda taqsimlanadi.
Vallāhu a‘lam.