Bismillah,

Alloh ta’ologa hamdlar, undan keyin payg’ambar bo’lmaydigan payg’ambarga, uning oilasi, sahobalari va to qiyomatgacha ularga yaxshilikda ergashganlarga salavot va salomlar bo’lsin.

Alloh o‘zi asrasin, bu juda achinarli holat.

Ayol kishi Tavhid ahlidanman deb aytyapti, bu yaxshi, ammo shariat ilmidan oz bo‘lsa ham xabardor bo‘lishi kerak. Lekin hech kim yo‘q holda, faqat yigit va ayolning o‘zi nikoh o‘qitsa bo‘ladi, degan fikr mutlaqo xato. Ulamolar ijmosiga ko‘ra, bunday nikoh botildir.

Hozirgi holat zino hisoblanadi. Ba’zi odamlar “Rasululloh sollallohu alayhi va sallam ham shunday nikoh qilganlar” deb noto‘g‘ri tushuncha tarqatishadi. Ehtimol, Zaynab binti Jahsh (roziyallohu anho) bilan bo‘lgan nikohni nazarda tutishmoqda.

Zaynab (roziyallohu anho) boshqa ayollarga shunday deganlar:
“Sizlarning nikohingizni oilalaringiz qildi, ammo meni Alloh osmondan turib nikohladi!”

• Bu nikoh Rasululloh sollallohu alayhi va sallamga xos bo‘lgan holatdir.
• Alloh tomonidan vahiy orqali amalga oshirilgan.
• Buni oddiy odamlar uchun qoida sifatida qabul qilib bo‘lmaydi.

Shariatda nikohning shartlari

Shariatda valiyning (ayolning ota yoki vakilining) roziligi shart qilingan.

• Valiysiz nikoh yaroqsiz (botil) hisoblanadi.
• Faqat er-xotin bo‘lib, guvohlarsiz nikoh qilish Islomda yo‘q.

Nikohning eng kam shartlari:

• Kamida 4 kishi ishtirok etishi shart:
  1. Ayolning valiysi (otasidan yoki vakilidan ruxsat)
  2. Nikohlanmoqchi bo‘lgan yigit
  3. Ikkita guvoh

Imom bo‘lishi shart emas, lekin agar imom nikohni o‘qiyotgan bo‘lsa, kamida bitta guvoh bo‘lishi kerak.

• Agar 4 kishidan kam odam ishtirok etsa, nikoh yaroqsiz bo‘ladi.
• Ulamolar ijmosiga ko‘ra, bunday nikoh botildir.

Savolga javob:

1. Bu nikoh haqiqiy emas, shuning uchun taloq olish shart emas.
2. Idda saqlash shart emas, lekin istibro’ (homilador emasligini aniqlash uchun bir hayz ko‘rish) lozim.
3. Nikoh bo‘lmaganligi uchun, bu aynan zino hisoblanadi.
4. Ayol o‘zining gunohkor emasligini bilsin, chunki u aldanib qolgan.
5. Endi bu odam bilan har qanday aloqa va munosabatni butkul uzishi kerak.
6. Agar bu odam doimiy ravishda ayollarni aldab yuradigan bo‘lsa, unga nisbatan chora ko‘rilishi lozim.

Bu kabi holatlarga tushmaslik uchun nima qilish kerak?

• Nikoh shariat bo‘yicha o‘qilishi kerak.
• Ayol kishi hech qachon valiysiz turmushga chiqmasligi kerak.
• Faqat “Alloh guvoh” deb nikoh qilish shariatga zid.
• Ayollar bilimsizlik sababli bunday tuzoqlarga tushib qolmasliklari uchun Islomiy bilimlarini mustahkamlashlari lozim.

Vallohu A’lam.