Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Ha, bunday nikoh sahih (to‘g‘ri) bo‘ladi. Ammo qo‘yilgan shart botil (noto‘g‘ri) hisoblanadi. Chunki nikohning asosiy maqsadlaridan biri — zurriyot (farzand) ko‘paytirishdir.

Agar “farzand ko‘rmaslik” sharti bilan nikoh tuzilsa, bu nikoh o‘z o‘rnida to‘g‘ri sanaladi, ammo qo‘yilgan bu shart shariatga zid bo‘lganligi sababli yaroqsiz hisoblanadi va unga amal qilinmaydi.

Bu holat, mashina xarid qilib, lekin haydalmaydi, faqat bezak uchun saqlanadi degan narsaga o‘xshaydi. Mashina qanday yurish uchun olingan bo‘lsa, nikoh ham o‘z maqsadi — ya’ni zurriyot, muhabbat, tinchlik va oilaviy barqarorlik uchun tuziladi.

Shuning uchun:

• Nikoh sahih — to‘g‘ri, lekin

• “Farzand ko‘rmaymiz” degan shart — botil.

Shariatda nikohning maqsadiga zid bo‘lgan har qanday shart bekor qilinadi.

Vallāhu a‘lam.