Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Sog‘lom aqidani o‘rganish — farz amaldir. Farz amallarda ayol kishi eridan ruxsat so‘ramaydi. Chunki Rasululloh ﷺ aytganlar:

إِنَّمَا الطَّاعَةُ فِي الْمَعْرُوفِ

 “Toat faqat yaxshilikdadir.”

Va yana Rasululloh ﷺ:

لَا طَاعَةَ لِمَخْلُوقٍ فِي مَعْصِيَةِ الْخَالِقِ

 “Xoliqqa osiy bo‘lishda hech bir maxluqqa itoat qilinmaydi.”

Demak, erning sog‘lom aqidani o‘rganishga to‘siq bo‘lishi joiz emas. Aksincha, uning o‘zi ham o‘rganishi farz. Ayol bunday bilimlarni yashirincha eshitgani uchun gunohkor bo‘lmaydi, balki bu orqali vazifasini ado qilgan bo‘ladi.

Chunki to‘g‘ri aqida — har bir mo‘min uchun zarur. Agar aqida buzilgan bo‘lsa, ibodatlar ham foydasiz bo‘ladi. Shu sababli, ayol ilm o‘rganishda sabrli bo‘lib, eriga ham go‘zal muomala qilishda davom etsin. Ehtimol, Alloh taolo erining qalbini ochib, uni ham to‘g‘ri yo‘lga boshlaydi.

Xulosa: Ayol sog‘lom aqidani eridan yashirincha o‘rganishi mumkin, bu bilan gunohkor bo‘lmaydi, balki savobga erishadi.

Vallohu a‘lam.