Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Zakatni hisoblash pul nisob miqdoriga yetgan vaqtdan boshlanadi. Qachonki mablag‘ingiz nisobga (taxminan 85 gramm oltin qiymati) yetsa, shu kundan boshlab bir yil o‘tganida zakot farz bo‘ladi.

Agar pulingiz nisobga yetganidan keyin bir necha yil o‘tgan bo‘lsa, o‘sha yillar uchun hammasining zakotini alohida-alohida hisoblab to‘lashingiz shart. Faqat bir yilning zakotini berish kifoya qilmaydi. Chunki bu pul sizning mulkingiz bo‘lib turgan, lekin zakoti berilmagan. Bu — Allohning haqqi, sizning zimmangizdagi qarz hisoblanadi.

Rasululloh ﷺ aytganlar:

“Allohning haqqi (qarzi)ni ado qilish, bandaning qarzidan ko‘ra haqliroqdir.”
(Imom Buxoriy rivoyati)

Ya’ni, odam bandaga bo‘lgan qarzini o‘tkazmay yillab yursa va oxirida to‘lasa, bu qarz baribir ado etiladi. Allohning haqqi esa undan ham avvalo to‘lanishi lozim. Shuning uchun yig‘ilgan pulingizning zakotini, u nisobga yetgan vaqtdan boshlab, nechta yil o‘tgan bo‘lsa — shuncha yil uchun hisoblab chiqib to‘lashingiz kerak.

Vallohu a‘lam.