Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Agar siz bu uyni yashash maqsadida — o‘zingiz yoki farzandlaringiz kelajakda yashashi uchun sotib olgan bo‘lsangiz, uy bo‘sh turgan taqdirda ham unga zakot berilmaydi. Chunki bu tijorat moli emas, yashash uchun mo‘ljallangan mulk hisoblanadi.

Ammo agar bu uyni tijorat maqsadida, ya’ni sotib olib qimmatga sotaman, foyda qilaman deb olgan bo‘lsangiz, bu holda u tijorat moli hisoblanadi va zakot vojib bo‘ladi.

Masalan: agar siz uy uchun o‘n ming qarz olib sotib olgan bo‘lsangiz, lekin hozir bozordagi qiymati o‘ttiz ming bo‘lsa — unda qarzni (10 ming) ayirgandan so‘ng qolgan qiymatga (20 ming) dan zakot beriladi.

Ammo agar bu uy yashash uchun olingan bo‘lsa — hatto u bo‘sh turgan bo‘lsa ham — zakot berilmaydi. Qarz esa vaqti kelganda asta-sekin to‘lanadi.

Vallāhu a‘lam.