Bismillah, alhamdulillah, vassalatu vassalam ‘ala rasulillohi va ba’d.
“Boshing ochiq, bilganingni qil” degan gap “taloqsan” degani bo‘lib, xotinga bitta roji‘ taloq tushadi. Roji‘ taloqda er “xotinimni qaytarib oldim” desa, xotini bo‘lib qolaveradi, yangi nikoh o‘qitish shart emas. Faqat shu gapni aytgandan keyin uch hayz muddati (iddat) o‘tib ketsa, roji‘ taloq “boyin” taloqqa aylanadi. Boyin taloqda esa nikoh buziladi va qaytadan nikoh o‘qish shart bo‘ladi.

Agar uch hayz muddati o‘tmagan bo‘lsa, ayolni “qaytarib oldim” deyishning o‘zi yetadi va nikoh hamon amal qiladi. Faqat uch taloq huquqidan bittasi ketgan bo‘ladi.

Agar iddat muddati o‘tib, taloq boyin taloqqa aylangan bo‘lsa, qaytarish uchun yangi nikoh o‘qiladi. Nikoh o‘qishda ikki guvoh bo‘lishi shart. Ayolning valiysi (otasimi, akasimi yoki boshqa erkak qarindoshi) “qizimni (yoki singlimni) senga nikohlab berdim” deydi, er esa “qabul qildim” deydi. Bu gap guvohlar oldida aytiladi va mahr belgilanadi. Shu bilan nikoh amal qiladi.

Nikoh o‘qishda albatta domla yoki maxsus xutba bo‘lishi shart emas, lekin shartlari bajarilishi lozim:

Ikki guvoh bo‘lishi.

Ayolning valiysi roziligi.

Mahr belgilash.

Agar iddat o‘tmagan bo‘lsa, nikoh o‘qishga hojat yo‘q — “qaytarib oldim” deyishning o‘zi kifoya.
Vallohu a‘lam.