Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Yo‘q, hisobga o‘tmaydi. Nega?

1. Birinchidan, ayol homilador bo‘lganida erining bergan birinchi talog‘i (ijmo‘ bilan) tushgan bo‘ladi.

2. Ikkinchidan, ayol farzandini dunyoga keltirganida idda muddati ham tugagan bo‘ladi.

Shariatda ayol homilador holda taloq qilinsa, u tug‘gan paytda iddasi yakun topadi. Idda tugagach, u ayol eriga begona ayol hisoblanadi. Shunday bo‘lganidan keyin, nifos paytida, ya’ni idda muddati yakunlangach berilgan taloq amalga o‘tmaydi, chunki er-xotin orasida endi nikoh yo‘q.

Shuning uchun otasi kelgan paytda kuyovning “uch taloq” degan gapi shar’an hech qanday kuchga ega emas. Chunki idda tugagan, nikoh uzilgan, ayol begona bo‘lib qolgan. Begona ayolga “taloq” berishning diniy qiymati yo‘q – hech narsa o‘zgartirmaydi.

Agar undan oldin ham boshqa taloqlar bo‘lmagan bo‘lsa, unda homiladorlik paytida berilgan birinchi taloq – yagona taloq hisoblanadi. Ayol tug‘gach iddasi yakunlangan, hozir esa ular yangi nikoh va yangi mahr bilan yana turmush qurishlari joiz.

Xulosa:
Nifos davrida aytilgan uch taloq hisobga o‘tmaydi, chunki ayol allaqachon eriga begona bo‘lib qolgan edi. Hozir ular yangi nikoh bilan birga yashashlari mumkin.

Vallāhu a‘lam.