Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Birinchidan, akangiz sizning haqlaringizni — ya’ni o‘zingizga tegishli merosni va opalaringiz sizga bergan ulushni bermaslik orqali sizga zulm qilgan. Bu zulm dunyoda ham, oxiratda ham jazoga loyiq bo‘ladi. Siz haqqingizni talab qilishda davom eting — lekin doimo yumshoqlik, hikmat va go‘zal muomala bilan.

Agar u ochiqchasiga “bermayman” degan bo‘lsa, bu ish Qiyomatga qoladi. Ammo shunga qaramay, aka-ukalik va opa-singillik aloqalarini butunlay uzib qo‘ymaslik kerak. Birgina mulk uchun oila rishtalarini uzish to‘g‘ri emas. Siz o‘zingiz qilishingiz kerak bo‘lgan narsani qilavering — salom-alikni saqlang, hurmatni qiling, qalbingizda adovat saqlamang. Qolganini Allohga topshiring.

Insonlarga haqi berilmasa, bu aloqalarni uzish uchun asos bo‘la olmaydi. Aks holda, bu dunyoda hamma hamma bilan yuz o‘girib ketgan bo‘lardi — xalq podshohdan, farzand ota-onadan, ayol eri-dan, talaba ustozdan… Chunki haqlarni har kim o‘zicha talqin qilmoqda. Shuning uchun ham haqlarni olishga harakat qilish kerak — lekin o‘z tarafingizdan berilishi lozim bo‘lgan narsalarni hech qachon to‘xtatmang.

Siz o‘z haqingizni doimo hikmat va sabr bilan talab qiling. Shariat bo‘yicha ota-onadan qolgan mulk barchaga meros sifatida adolat bilan taqsimlanadi. Bu ixtiyoriy emas, shariat buyrug‘i. Demak, siz o‘zingizga va opalaringiz sizga topshirgan ulushni olishga haqlisiz. Akangiz bu haqlaringizni bermasa — bu ochiq zulm hisoblanadi.

Siz unga muloyimlik bilan tushuntiring: balki u noto‘g‘ri tushungandir, o‘zini bu mulkni berishga mas’ul emas deb o‘ylayotgandir. Lekin meros bu — Alloh tomonidan belgilangan haqdorlikdir.

Shuning uchun ayting: “Men haqqimni olaman — bu dunyoda bo‘lmasa ham, Qiyomatda baribir olaman.” Alloh taoloning adolati cheksizdir.

Ammo siz hech qachon qon-qarindoshlik aloqasini to‘xtatmang. Salom-alikni davom ettiring, chaqirilgan yig‘inlarga ham borishga harakat qiling — agar borish sizni gunohga olib bormasa. Chunki qilingan zulm bahona bo‘lib, rahm-aloqani uzish halol bo‘lib qolmaydi.