Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Sizga berilgan taloq hozircha rojaiy taloq hisoblanadi.
Ya’ni bu — er qaytarib olishi mumkin bo‘lgan taloq.

Shuning uchun iddani albatta eringizning uyida o‘tkazishingiz shart.

Agar rojaiy taloqda bo‘lgan ayol erining uyidan chiqib, ota uyiga ketib idda o‘tkazsa — gunohkor bo‘ladi.

Sababi:

Rojaiy taloqda:

• Er sizni qaytarib olishi mumkin

• Siz hanuz uning xotini hisoblanasiz

• Shariatning maqsadi — yarashuvni saqlab qolish

Alloh taolo erkakka uch taloq haqqini bekorga bermagan.
Bu — o‘ylab, shoshilmasdan, yarashish imkonini qoldirish uchun.

Shuning uchun:

• Ayol erining uyida qolishi kerak

• Er uni ko‘rib tursin

• Orada yana mehr paydo bo‘lsin

• Shayton oraga tushib uzoqlashtirmasin

Hanafiy ulamolar hatto shuni aytganlar:

Rojaiy taloqdagi ayol eriga ko‘rinib yurishi, hatto ziynatlanib yurishi joiz, toki er uni yana qaytarib olsin.

Shariatning maqsadi — buzish emas, tuzatish.
Maqsad — hayot yana yaxshi bo‘lib ketishi.

Agar siz ota uyingizga ketib qolsangiz:

• Er sizni ko‘rmaydi

• Shayton yana uzoqlashtiradi

• Yarashish qiyinlashadi

Shuning uchun siz rojaiy taloqda bo‘lganingiz sababli iddani eringizning uyida o‘tkazishingiz kerak.

Vallohu A’lam