Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Bu holatda hech qanday haromlik yo‘q. Chunki uy sizniki, uni xohlagan qiymatda va xohlagan shart bilan sotishingiz mumkin. Shariatda muhim narsa – savdo shartlari oldindan aniq kelishib olinishi.

Agar kelishuv shunday bo‘lsa:

• uy narxi 40 ming dollar qilib belgilangan,

• pul to‘liq keyinchalik beriladi,

• hozircha har oy ming dollardan berib turadi,

va bu kelishuv taraflarga ma’lum va ravshan bo‘lsa, bu savdo joiz hisoblanadi.

Shuningdek, ulamolar aytishicha: agar biror narsa naqd narxda arzonroq, bo‘lib-bo‘lib to‘lashda esa qimmatroq sotilsa, bu ham shar’an joizdir. Faqat shart – narx va muddat kelishuv paytida aniq belgilanib qo‘yilishi. Agar “qachon beraman” yoki “qancha bo‘ladi” degan noaniqlik qolsa, shunda nizoga sabab bo‘ladi.

Demak, sizning holatingizda shartlar aniq belgilansa, janjalga olib keladigan noaniqlik bo‘lmasa, bu savdo halol va joiz.

Vallāhu a‘lam.