Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Bu holatda eng to‘g‘ri yo‘l — tortishmaslik. Siz hozir bu masalada tortishishga tayyor bo‘lmagan odamsiz. Bunday tortishuvlar ko‘pincha fitna va munosabatlarning buzilishiga olib keladi.

Shuning uchun, eng yaxshisi — Allohga chin yurakdan duo qiling. Allohdan o‘g‘lingiz uchun hidoyat, haqiqatni anglash, va qalbining ochilishini so‘rang. Alloh Subhānahu va Ta‘ālā O‘zini tanitib qo‘ysin unga.

Siz onasizmi yoki otamisiz — ota-onaning duosi, ayniqsa farzand uchun, ijobat bo‘lishi umid qilinadigan eng katta vositadir.

Quyidagilarga amal qiling:

• Sahar paytlarida turib duo qiling,

• Kechaning oxirgi uchdan birida ibodat va iltijo qiling,

• Juma kuni duo ijobat bo‘lishi umid qilingan vaqtlarda duo qilishga harakat qiling.

Tortishmang. Hidoyatni faqat Alloh beradi. Siz sabr qiling, chiroyli muomala qiling va duoni davom ettiring. Alloh taolo O‘zi uni hidoyatlaydi, agar qalbida samimiyat bo‘lsa.

Vallāhu a‘lam.