Bu masala tafsiliy bo‘lib, shariatda aniq bir hajm yoki uzunlik belgilanmagan. Qur’onda “muḥalliqīn” va “muqaṣṣirīn” degan ifodalar keladi – ya’ni sochini butunlay qirib tashlaganlar yoki qisqartirganlar.

Qisqartirish deganda, urfda “sochini qisqartirdi” deyiladigan darajada, masalan quloq atroflarini, old yoki orqa qismini tozalab olish kifoya. Sochi 2 sm bo‘lgan erkak ham ushbu urfiy darajada ozgina qisqartirsa yetarli bo‘ladi.

Ba’zi ulamolar boshning to‘rtdan bir qismini qisqartirish kerak deganlar – bu ijtihodiy fikr. Shariatda bu shart qilib qo‘yilmagan. Urfda “qisqartirdi” degan nom olsa – kifoya.

Ayol kishiga esa – ulamolar umumiy holda har tomondan ozroq (bir barmoq uchi miqdorida) qisqartirishni tavsiya qilganlar. Hatto barcha sochini bir joyga yig‘ib, uchidan ozgina olsa ham bu amal qisqartirish hisoblanadi.

Muhimi, bu amal ehromdan chiqish niyatida, Alloh roziligi uchun ado etilishi va urfga binoan “qisqartirdi” deyiladigan darajada bajarilishi lozim.

Xulosa: Urfda “sochini qisqartirdi” deyiladigan darajadagi amal shariatda maqbul sanaladi. To‘rtdan birini olish qat’iy shart emas.
Vallohu a‘lam.